.net

.net
Tipu	dominiu de nivel cimeru xenéricu
Creáu	1985
Sitiu web oficial	Sitiu web

El nome de dominiu .net ye un dominiu de nivel cimeru xenéricu (gTLD poles sos sigles n'inglés) utilizáu nel Sistema de Nomes de Dominiu d'Internet. El so nome deriva de la pallabra inglesa «network», que significa rede, lo qu'indica que nun principiu taba previstu pa organizaciones rellacionaes con teunoloxíes de redes, como ye'l casu de los provisores de servicios d'Internet y otres empreses d'infraestructura. Sicasí, les restricciones nunca se punxeron en práutica y, anguaño, el dominiu ye un espaciu pa nomes con un propósitu xeneral. El nome sigue siendo popular ente operadores de redes y, frecuentemente, ye consideráu como una alternativa al dominiu .com.

Amás de ser una abreviación pa "rede" (network), ".net" tamién ye una romanización de la pallabra rusa нет ("non", tamién comúnmente romanizada cola más acústicamente apropiadanyet), y un dominiu como "object.net" puede ser interpretáu como "nun hai oxetu". Dellos dominios esploten esta peculiaridá, por casu mozga.net (ensin celebru) o putina.net Archiváu 2017-10-17 en Wayback Machine (nun hai Vladímir Putin).

Dellos casinos en llinia o dellos otros sitios d'apuestes operen xuegos con dineru real en sitios .com y xuegos ensin apuestes de valor monetariu (promocionaos como educativos o de diversión) col mesmu nome pero .net. Esto puédese usar pa evitar problemes llegales con al respective de la publicidá de sitios d'apuestes n'Estaos Xuníos, una y bones el sitiu .net puede ser promocionáu llegalmente, pero tal promoción ayuda a que la xente dea cuenta del sitiu onde pueden apostar dineru real, entá en xurisdicciones onde tales coses son de llegalidá cuestionable.